الخميس، 14 أغسطس 2008

لا للتدخين <الجزء الاول>








بداية احب اقول قبل ماخش فى الموضوع ان الموضوع طويل وعميق لذلك حبيت اقسمه لعدة اجزاء منعا للملل ولذلك قسمتة لجزئين رئيسين هما التدخين من <الناحية الطبية >ومن الناحية الدينية.





اولا من الناحية الطبية:الدخان يؤثر على الجهاز العصبى المركزى والجهاز التنفسى فالنفس الاول يصل للمخ فى7.5 ثانية،كما يعمل الدخان على فصل للاماكن المسئولة عن اخراج المهدئات والمسكنات اللى فى الجسم ،ففى الانسان المدخن بنلاقية سريع الانفعال بعكس الغير المدخن بنلاقيه اكثر هدوءا.



ولقد خلق اللة الرئتين مبطنين بشعيرات يطلق عليها ,مقشة ربانية,وهو الاسم الدارج وهى المسئولة عن حجز الملوثات،ولكن يعمل الدخان على تدمير هذه الشعيرات ،بس بمجرد الامتناع عن التدخين ترجع الرئتين الى حالتها الطبيعية تدريجيا وذلك بالعلاج الربانى فتتحرك حركة بسيطة اولا ثم تتحرك حركة طبيعية،ولذلك بقول للشخص عندما يمتنع عن التدخين لو لقى نفسه بيكح زيادة عن الاول ميقلقشى مع الوقت الكحة هتبطل مفيش حاجة بتروح من يوم وليلة .











الدخان اللى داخل فيه اول اكسيد الكربون واللى بيعمل على انقاص الاكسجين اللى بنتنفس بية بحيث ياخذ اول وثانى اكسيد الكربون مكانه ،ويتكون كربوكسوالهيموجلبين الذى يعمل على لزوجةالدم يعنى يكون زى الزيت بعكس المياة ،فيعمل على ارتفاع ضغط الدم ويحدث اجهاد لعضلة القلب لقلة الاكسجين وبالتالى فهومعرض للموت المفاجئ.






ممكن واحد يرد على ويقول يعنى المشكلة فى الدخان ياسيدى خلينا ياعم نشرب شيشة وهو فيها فلتر مياة غير الراجل القهوجى بيدينى بلاستيكية خاصة بى،احب اقولة لاياحبيبى لا يابو لسان طويل دة غلط فالحجر الواحد يعادل 40 سيجارة اى اخطر بمراحل كثيرة ،وفية حاجة بمجرد جلوسك مع شخص يشرب سيجارة اكنك شربتها.









فية جملة شهيرة وهى؛السيجارة هى مفتاح الباب لعالم الادمان ،فية مشكلة كمان ان بعد ماكان متوسط عمر المدخنين ينحصر فى الاربعينيات بقى دلوقتى وصل لحد عشر سنين ،وكمان كان مقصور على الذكور بقى على الاناث ايضا،دلوقتىالراجل الجنتل ـ على سبيل التهزئة طبعا ـهو اللى يشرب شيشتةمع مراتة على اى كافية،وبعدين نروح لاصحاب السوءاللى تلاقيهم بيعزموك على السجاير وطبعا بتاخد عشان متكسفهومش وتلاقى تقول لروحك هو انا صغير فالمعلم يبدأ بسيجارة ثم سيجارةوهكذا،ثم يقول هو انا كل مرة اتعزم ماعزم مرة،وبعدين بعد مايخلص الدخان المصرى يخش على الاجنبى ثم السجاير الملفوفة ثم الادمان واثبتت الدراسات ان 90% من الادمان يتم تعاطيها عن طريق التدخين.







معلش انا ملاحظ انا طولت عليكم بس معلش دى امانة على والى اللقاءفى الاجزاء القادمة










هناك 10 تعليقات:

غير معرف يقول...

ايه يابوب ليه كدا

انا مدخن وانت عمال كلام مشعايز تسكت

والله تعبنا يا بوب بس قرف الدنيا مخلينا فاضل شوية ونضرب مخدرات

اسباب التدخين زي اسباب الادمان

بس الصراحة هو عادة سيئة جدا

غير معرف يقول...

سعدت بكرورك عندي

وبتمني تكرر الزيارة

Blue Nile يقول...

ازيك يا بوب
ايه البوست الجامد ده
ده انت علىكده زميل مش مهندس
لا بجد معلوماتك تمام
التدخين ده سبب البلاوي والامراض كلها
وهو اهم سبب لسرطانات كتير واهمها الرئة غير امراض القلب والشرايين
ماشاء الله عليك ومستنين الجزء التاني

Cold air يقول...

السلام عليكم

ازيك يا بوب
بجد بحييك يا بهاء علي إختيارك لعمل سلسلة بوستات عن التدخين لأنه بالفعل موضوع حيوي و لازم الواحد يأخده بمأخذ الجد
و بحييك علي إسلوبك الرائع في سرد الموضوع و تدعيمه بالصور اللي بتقوم بدور الإستراحة للقارئ بين كل مقطع و الذي يليه كي لا يدب الملل للقارئ
أستمر يا بهاء بس المرة الجاية أرجو منك طلبا صغيرا تكبير الخط و تغيير اللون لأنه غير واضح
(وش لابس نظارة كعب كباية )

^_^ هه ^_^ هه ^_^

سيري يا نورمندي تو
علي بركة الله ابدع و احنا معاك
السلسلة شكلها جامد يا مان

مع خالص تحياتي

Bob يقول...

ياalot good men
اولا جميل جدا انك عارف ان دة عادة سيئة بس الاجمل انك تحاول تقلع عنها انا عايزك تتخيل لقدر الله ان حاجة من الحاجات دى حصلتلك ايه شعورك فى الوقت ده وعلى فكرة الحاجات مبتظهرش على طول لا ده بتاخد فترة وبعدين يتم اكتشافها بعد فوات الاوان
لكن انا مبحبطكش ولا حاجة بس اغتنم فرصة شهر رمضان المبارك فى اقلاعك عنها
وبعدين انا اللى بتشرف عند زيارتك اكتر
وشكراااااااااااااا

Bob يقول...

يا blue:
احب ابدا كلامى بمثل هل يفتى وملك فى المدينة>
انا عاوز استغل وجودك فى عالم التدوين وتحاولى تدينا معلومة عن اضرار التدخين ولو صغيرة بمجرد المشاركة لا غير
وشكرا على اهتمامك

Bob يقول...

حازووووووووووووووووووووووووم
ملك التدوين بلا فخر
يباشا احنا بنتعلم منك
وشكرا على المجاملة اللطيفة
وبعدين ولا سلسلة ولا حاجة ياعم
دى مجرد دعوة بس للاقلاع عن التدخين
عشان حقيقى الناس بشوفها بتشرب سجاير واكنها بتشرب موز باللبن من غير ميعرفو انها سم قاتل
وشكرا على الاضافة
بس مقلتليش انت بتحب لون الكتابة يبقى اية ينفع لون البطاطس المقلية ولا الجوافة المهرية
بهزر ياصاحبى طبعا المرة الجاية هدوقك صينينة بطاطس هتكل صوابعك وراها بس على شرط اوعى اوعى اوعى السجاير
وسلاااااااااااااااام

☼♫♪ عمــاد الدين يــوسف ☼♫♪ يقول...

مجهـــود رائع تشــكــر عليه

الكاتب احمد كاجوال يقول...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق ,, كما أرجو المشاركة في الاستفتاء

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

عاشقة الوطن يقول...

السلام عليكم

ازيك ياايهاب
مع اول زيارة ليا عندك بجد ربنا يكرمك لان الموضوع ده لاواحد ياما اتكلم فيه مع مدخنين ومش عارفين ايه اخرتها

ربنا يهدى الجميع ياااارب
وان شاء الله ربنا يوفقك واحنا برضه كل واحد من ناحيته يحاول يتكلم مع الناس اللى يعرفهم وبيضروا نفسهم بايديهم

شكرا ليك على الموضوع والحملة ديه
ربنا معاك ويوفقك للخير


تحياتى

طلباتك اوامر


وبحبك يازمالك