الخميس، 26 مارس 2009

"اجمل 40 جملة فى العالم"

** ** الابتسامة كلمة معروفه من غير حروف ** **** ** اعمل على أن يحبك الناس عندما تغادر منصبك , كما يحبونك عندما تتسلمه ** ** ** ** لا تطعن في ذوق زوجتك , فقد اختارتك أولا ** **** ** لن تستطيع أن تمنع طيور الهم أن تحلق فوق رأسك و لكنك تستطيع أن تمنعها أن تعشش في رأسك ** **** ** تصادق مع الذئاب ... على أن يكون فأسك مستعداً ** ** ** ** ذوو النفوس الدنيئة , يجدون اللذة في التفتيش عن أخطاء العظماء ** **** ** إنك تخطو نحو الشيخوخة يوماً مقابل كل دقيقة من الغضب ** **** ** كن صديقاً , ولا تطمع أن يكون لك صديق ** **** ** إن بعض القول فن .. فاجعل الإصغاء فناً ** ** ** ** الذي يولد يزحف , لا يستطيع أن يطير ** **** ** اللسان الطويل دلالة على اليد القصيرة ** ** ** ** نحن نحب الماضي لأنه ذهب . ولو عاد لكرهناه ** ** ** ** من علت همته , طال همه ** **** ** من العظماء من يشعر المرء بحضرته أنه صغير ولكن العظيم بحق هو من يُشعر الجميع في حضرته بأنهم عظماء ** ** ** ** من يطارد عصفورين يفقدهما جميعاً ** **** ** المرأة هي نصف المجتمع وهي التي تلد و تربي النصف الآخر ** **** ** لكل كلمة أذن , ولعل أذنك ليست لكلماتي , فلا تتهمني بالغموض ** ** ** ** كلما ارتفع الإنسان , تكاثفت حوله الغيوم والمحن ** ** ** لا تجادل الأحمق , فقد يخطئ الناس في التفريق بينكما ** ** ** ** الفشل في التخطيط يقود إلى التخطيط للفشل ** ** ** ** قد يجد الجبان 36 حلاً لمشكلته ولكن لا يعجبه سوى حل واحد منها وهو .. الفرار ** ** ** ** شق طريقك بابتسامتك خير لك من أن تشقها بسيفك ** **** ** من أطاع الواشي ضيَع الصديق ** **** ** أن تكون فرداً في جماعة الأسود خير لك من أن تكون قائداً للنعام ** لا تستحِ من إعطاء القليل فإن الحرمان اقل منه **
للامانة العلمية ان لقيتهم عندى الجهاز ومش عارف مين اللى كتبهم بس مش انا اللى ماألفهم ،المهم انتو رايكم اية فى الجمل دى ,وايةالحاجات اللى انتوه موافقين معاها واللى اللى مش صحيحة من وجة نظركم واعودوة بالعافية:

الجمعة، 20 فبراير 2009

نظرية علمية بحتة


يا جماعة انا عايز البنات ميزعلوش منى ولكن هى على سبيل الدعابة فحسب ؛ولو انها فيها شئ من الواقع بس مش كلهم ،وعشان كدة احب اخد رايكم فى النظرية دى بس ياريت بصراحة واعودو بالعافية
سلاااااااااااااااااااااااااااااااااااااااااااااااااااااااااااااااااااااااااااااااااااااااااااااام

الأربعاء، 22 أكتوبر 2008

تسلم يابلدوزر


بجد يابلدوزرتسلم على الشغل اللى انت عملته فى الماتشات كلها فى اقوى دورى فى العالم وهو الدورى الانجليزى .


،بجد بالتوفيق ياعمرو ذكى يابن الزمالك ويارب يبعد عنك الاصابة وعين اللى يكرهك ويكره الخير ليك وللزمالك عشان هم كتير ومعروفين فى الوسط الرياضى .


،بجد خليت الدنيا تتكلم عليك وروحك العالية التى من وجهة نظرى المتواضعة ليس لها مثيل واجوانك اللى ملهاش حل وخاصة الهدف التانى فى مرمى رينا حارس مرمى ليفربول


،والجون دوت باردوه بيفكرنى بجونك مع الزمالك فى مرمى بلدية المحلة على مااتذكر بس مع الفارق طبعا فى كل حاجة


،يارب ياعمووور تكمل هذة المسيرة الناجحة وتروح السنة الجاية فى افضل ناد فى العالم عشان ترفع راسنا فى العالم باجمعه ،ونرجو المزيد منك يانجم الزمالك والعرب والعالم

الاثنين، 6 أكتوبر 2008

قل عليه العوض

قل عليه العوض من مستوى الناس اللى تهبط
قل عليه العوض من اسعار الحديد والزلط
قل عليه العوض من الاحترام والادب المنقرض

السبت، 13 سبتمبر 2008

لا للتدخين <الجزء الثالث>






نكمل مع بعض موضوعنا عن التدخين وكنا اتكلمنا عن التدخين من النحية الطبية ،ودلوقتى نتكلم عليه من الناحية الدينية.





بنلاحظ ان المدخن فى اول يوم رمضان تعبان ومضايق ؛وتلاقى الناس يقولوا متجيش لمتوا ،وتلاقى المدخن يجهز السيجارة ،ولو كان بيشيش تلاقى بيحضر الشيشة ،ويدوبك مدفع الافطار بينطلق وهو ينطلق معاه ،زتلاقيه من المغرب لحد الفجر بيشحن بطارية التدخين عشان بكرة.







وتلاقيهم بيقولو ان التدخين مش حرام ولا البانجو حرام،والغريب انهم بيقولو احنا على استعداد نبطل التدخين بس بشرط هاتلنا من القران الكريم اية بتقول: يايها الذين امنوا ان البانجو حرام ،واحنا هنبطل تدخين ،والاغرب من كده تلاقيهم بيقولو احنا معنا نص من القران الكريم بيقولنا نشرب السجايرويستدلو على ذلك بقول الله:يأيها الذين امنوا كلوا مما فى الارض ، والبانجو والحشيش والتبغ اللى بيتعمل منه السجاير وكذلك الافيون بيتزرعو فى الارض.






ولكن ببساطة نقدر نرد عليهم ونقوله بالعكس فيه ايات كتيرة تحرم التدخين والمخدرات ،وبخصوص الاية : <كلوا مما فى الارض>،ولكن هم لم يكملوا الاية الاوهى:
<كلوا مما فى الارض حلالاطيبا >،اى فيه اشياء غير حلال مثل التدخين.


ايضا ولقد قال الله فى سورة الاعراف فى الاية 157 :


<الذين يتبعون النبى الامى الذى يجدونه مكتوب عندهم فى التوراة والانجيل يأمرهم بالمعروف وينهاهم عن المنكر ويحلوا لهم الطيبات ويحرم عليهم الخبائث >


وعند هذه الاية وقف العلماء وقالوا:ان الحاجات على وجه الارض حاجتين مالهموش تالت وهما لأبيض لأسود،فالابيض هو الشئ الذى ينفع ولا يضر،اما الأسود هو الذى يضر ولاينفع ولو انت مش عارف الشئ الابيض من الاسود، فقد قال تعالى فى سورة النحل الاية 43 <فاسئلوا اهل الذكر ان كنتم لاتعلمون>،ومن هذه الأية نستنتج ان التدخين حرام.







ولو كلمنا المدخن وقلنا له ياعم بطل يرد يقول انت مالك هو انت اللى بتشربلى ؟،هو قلبك ده؟،هى رئتيك دى؟،ويرجع يقول انا حر ياأخى.
ولكن نرد عليه ونقوله جبت الحرية دى منين ،فالانسان الحر يكون حر فى شئ يملكه ،ولكن الشئ الذى لايملكه لا حرية فيه،فلقد قال رسول الله <الانسان بنيان الله ملعون من هدمه>
وقد قال الله ايضا <ولاتلقوا بايديكم الى التهلكة >،كما قال<ولا تقتلوا انفسكم ان الله كان بكم رحيما>.



فلقد كان الخمر منتشرا ايام الرسول زى الشاى عندنا كده دلوقتى،ولما سمعوا المسلمون ان الله قد حرم الخمر،دخل كل واحد داره ثم سكبه فى طرقات المدينة حتى قالوا من شاهدوا ذلك :راينا الطرقات كترع من خمور.


على فكرة انا واضع مقطع فيديو يحث على عدم التدخين والمخدرات وهو من برنامج الطريق الصح والذى يقدمه المذيع معتز الدمرداش مع الداعية معز مسعود ،وهو اسفل الموضوع مباشرة.

الجمعة، 22 أغسطس 2008

لا للتدخين <الجزء الثانى>



احب نكمل كلامنا عن اثار التدخين الصحية:

التدخين ياجماعة بيكسر الحاجز النفسى بين الشخص وانه يميز اى حاجة فمثلا لو هو عطشان هيروح يمسك اى زجاجة ويشربها من غير مايعرف هل هى مياه اوبنزين او خلافه بعكس الشخص الغير مدخن الذى يميزها.



نيجى للناس الظريفة اللى بيقولو ان المصريين القدماء كانو بيشربو السجاير،طب بذمتكم انتم عمركم شفتم رسومات او تماثيل بها اشخاص بيشربو سجاير او شيشة؛هم فغلا كانو بيزرعو البانجو ونبات الخشخاش ؛ولكن كانو له استخدامات طبية.




بالنسبة للمخدرات تنقسم الى - على حسب الطبيعة - الى مخدرات طبيعية زى النباتات وتخليقية ونصف تخليقية ولكن كان فيه تحفظ على اسم تخليقية لان الخالق هو الله ولذلك اعيد تقسيمها الى مخدرات طبيعية وتصنيعية ونصف تصنيعية .








بالنسبة للمخدرات التصنيعية هى مخدرات من صنع الانسان من الالف الى الياء ،والمخدرات النصف التصنيعية هى مخدرات طبيعية ويقوم الانسان لها عملية تصنيعية ويحولها الى مخدرات .



وعلى حسب تاثيرها -المخدرات- على الجهاز العصبى المركزى تنقسم الى مهبطات ومنشطات ومهلوسات والحشيش والمستنشقات .
ونبدا من الاخر فنبدا من المستنشقات مثل الكولا والبنزين مثلا وهى تعتبر من المذيبات العضوية ، فمثلا عند وجود بقعة فى اى من ملابسنا نضيف الى المسحوق كمية من البنزين لاذابة هذه البقع ،تماما يحدث كذلك فى جسم الانسان حيث يعمل التدخين على اذابة الدهون اللى فى جسم الانسان حيث يعمل على اذابة الدهون اللى فى جسم الانسان مثل الخلايا العصبية والمخ والكبد والرئتين والنهاية للاسف الوفاة.




نيجى للبانجو :

احب اقول فى الاول ان الحشيش هو البانجو والاسم العلمى له هونبات القنب،فالبانجو هو نبات مقاوم للعوامل الجوية ، يزرع فى جميع المناطق ولكن تجود زراعته فى المناطق الحارة،فيعتبر البانجو به كل شئ فهو منشط ومهدئ ومهلوس ،فالانسان يشرب سيجارة البانجو مثلا وينتظر اسبوع اواكثر على حسب طبيعة الجسم ،حيث تظل المادة الفعالة متخزنة فى الجسم وبعدين عندما تقل المادة الفعالة تلاقى الشخص بيشرب سيجارة كل 3 ايام ثم يوم ثم اقل وقت ممكن ،ومن هنا نستنتج ان على المدى البعيد يصبح مدمنا.



التدخين عموما يسبب مرض سرطان الرئة ،واؤكد ان 90%من المصابين بيموتو خلال 3 سنوات من التشخيص،وللاسف المرض مبتشخص الا بعد سنتين يعنى بيكون فضلو شهر وبيتوكل على الله.


كما ان الله وضع password للبانجو حيث انه به فطريات مبتموتش من الحر بمعنى ان لو وضعناه على اى حاجة مثل السجاير او الشيشة مش هيموت بل هيؤثر على الجهاز التنفسى وتصيبه بامراض رئوية شديدة جدا جدا.

الخميس، 14 أغسطس 2008

لا للتدخين <الجزء الاول>








بداية احب اقول قبل ماخش فى الموضوع ان الموضوع طويل وعميق لذلك حبيت اقسمه لعدة اجزاء منعا للملل ولذلك قسمتة لجزئين رئيسين هما التدخين من <الناحية الطبية >ومن الناحية الدينية.





اولا من الناحية الطبية:الدخان يؤثر على الجهاز العصبى المركزى والجهاز التنفسى فالنفس الاول يصل للمخ فى7.5 ثانية،كما يعمل الدخان على فصل للاماكن المسئولة عن اخراج المهدئات والمسكنات اللى فى الجسم ،ففى الانسان المدخن بنلاقية سريع الانفعال بعكس الغير المدخن بنلاقيه اكثر هدوءا.



ولقد خلق اللة الرئتين مبطنين بشعيرات يطلق عليها ,مقشة ربانية,وهو الاسم الدارج وهى المسئولة عن حجز الملوثات،ولكن يعمل الدخان على تدمير هذه الشعيرات ،بس بمجرد الامتناع عن التدخين ترجع الرئتين الى حالتها الطبيعية تدريجيا وذلك بالعلاج الربانى فتتحرك حركة بسيطة اولا ثم تتحرك حركة طبيعية،ولذلك بقول للشخص عندما يمتنع عن التدخين لو لقى نفسه بيكح زيادة عن الاول ميقلقشى مع الوقت الكحة هتبطل مفيش حاجة بتروح من يوم وليلة .











الدخان اللى داخل فيه اول اكسيد الكربون واللى بيعمل على انقاص الاكسجين اللى بنتنفس بية بحيث ياخذ اول وثانى اكسيد الكربون مكانه ،ويتكون كربوكسوالهيموجلبين الذى يعمل على لزوجةالدم يعنى يكون زى الزيت بعكس المياة ،فيعمل على ارتفاع ضغط الدم ويحدث اجهاد لعضلة القلب لقلة الاكسجين وبالتالى فهومعرض للموت المفاجئ.






ممكن واحد يرد على ويقول يعنى المشكلة فى الدخان ياسيدى خلينا ياعم نشرب شيشة وهو فيها فلتر مياة غير الراجل القهوجى بيدينى بلاستيكية خاصة بى،احب اقولة لاياحبيبى لا يابو لسان طويل دة غلط فالحجر الواحد يعادل 40 سيجارة اى اخطر بمراحل كثيرة ،وفية حاجة بمجرد جلوسك مع شخص يشرب سيجارة اكنك شربتها.









فية جملة شهيرة وهى؛السيجارة هى مفتاح الباب لعالم الادمان ،فية مشكلة كمان ان بعد ماكان متوسط عمر المدخنين ينحصر فى الاربعينيات بقى دلوقتى وصل لحد عشر سنين ،وكمان كان مقصور على الذكور بقى على الاناث ايضا،دلوقتىالراجل الجنتل ـ على سبيل التهزئة طبعا ـهو اللى يشرب شيشتةمع مراتة على اى كافية،وبعدين نروح لاصحاب السوءاللى تلاقيهم بيعزموك على السجاير وطبعا بتاخد عشان متكسفهومش وتلاقى تقول لروحك هو انا صغير فالمعلم يبدأ بسيجارة ثم سيجارةوهكذا،ثم يقول هو انا كل مرة اتعزم ماعزم مرة،وبعدين بعد مايخلص الدخان المصرى يخش على الاجنبى ثم السجاير الملفوفة ثم الادمان واثبتت الدراسات ان 90% من الادمان يتم تعاطيها عن طريق التدخين.







معلش انا ملاحظ انا طولت عليكم بس معلش دى امانة على والى اللقاءفى الاجزاء القادمة











انتظروا وترقبوا موضوعى الجديد بعد قليل

الثلاثاء، 5 أغسطس 2008

يامدونتى




يامدونتى مااجملك مااحلاكى

ابث فيكى اشعارى واكتب فيكى مقالاتى
اعبر فيكى عن ارائى واشكولكى اوجاعى

يامدونتى مااجملك مااحلاكى

منك استمد قوتى واليك اخرج همومى
فيك آاخذ حريتى ولكى اعطيكى مجهودى

يامدونتى مااجملك مااحلاكى

لكى امنحك خبرتى فتمنحينى طاقتى
لا تخافى فانا احميكى بكل طاقتى

يامدونتى مااجملك مااحلاكى


الأربعاء، 30 يوليو 2008

الكلمة الافتتاحية<دعوة للتسامح>


الحقيقة اول مافكرت فى موضوع يقدر يشد الناس ملقيتش غير موضوح التسامح بينا وبين بعض واللى خلانى افكر فية هو عن غيرة انى لقيت كتير منا بنقفش من بعض بسرعة على حاجات ملهاش لزمة وعشان كدة لازم ياجماعة ننفض شوية عن الحاجات الصغيرة التى بتحصل بينا وبين بعض اللى ممكن تزعلنا واما بقول ننفض مش قصدى نتغاضى عن اخطاء الاخرين ولكن نعرفهم خطاهم وبعدين نسامحهم لان من وجهة نظرى مفيش حياة من غير تسامح وعلى العكس في ناس كتير بتحس ان التسامح ضعف وذل ولكن بالنسبة لى انا باعتبرة قوة وبيديك تقدير واحترام اكتر عند الاشخاص اللى سامحتهم وفى الاخر بقول ياريت نسامح اى حد سواء كان احنا اللى زعلنا او العكس والى اللقاء فى لقاء جديد

طلباتك اوامر


وبحبك يازمالك